ROTEIRO LEMBRANDO AOS QUE NOS DEIXARON
A asociación Amigos do Patrimonio de Castroverde celebrará o próximo 13 de xuño de 2026 unha nova edición da ruta Lembrando aos que nos deixaron, unha actividade que combina patrimonio, natureza e memoria colectiva.
A xornada comezará ás 9.30 horas na praza de Castroverde, desde onde partirán os participantes cara á zona da Abelleira. A camiñada dará inicio ás 10.00 horas e percorrerá o itinerario A Abelleira–Furís–Arrubial–Igrexa de Páramo–Furís de Abaixo, permitindo aos asistentes descubrir distintos espazos de interese paisaxístico e patrimonial do municipio.
Tras o percorrido, os participantes compartirán un xantar de confraternidade previsto para as 14.00 horas en Furís de Abaixo, na casa de Cantiz. O menú estará composto por empanada e lacón, nun encontro pensado para fomentar a convivencia entre as persoas asistentes.
Desde a organización lembran a importancia de confirmar a participación antes do 8 de xuño para facilitar a preparación da actividade e do xantar.
Deixa unha resposta