LEMBRANZA DO ACTO DO SÁBADO

Boa noite!

Lembramos a actividade o próximo sábado. Os/As que pensedes participar tedes que comunicalo antes do dia 23 de setembro, mércores.

Aproveito para comentar que podedes ver a referencia da última parte do acto
III FESTA DE AFIRMACIÓN E A DIGNIDADE

Asociación Terras de Lugo e a Asoc. Amigos do Patrimonio de Castro Verde promoven a:

– Elaboración de documento marco para planificación interpretativa do territorio de actuación da Asociación

e

– ROTEIRO polo Miradoiro da Terra Chá (PR-G 155)".

Sábado, día 26 de setembro de 2015

Ás 11:00 h. Saída de Castro Verde.

Ás 11:30 h. Recollida en Castelo, Ronda da Muralla frente a sindicatos, Avda. de A Coruña

Ás 12:00 h. Xornada de difusión aberta ao público de 12:00 h. a 14:00 h.

no auditorio da Casa-Museo Manuel María. Elaboración de documento marco para planificación interpretativa do territorio de actuación da Asociación.

Arredor de as 14:15 h. xantar nun restaurante da vila.

Pola tarde.

Ás 16:30 h. Andaina pola ruta de sendeirismo homologada "Miradoiro da Terra Chá (PR-G 155)". Trátase dunha ruta circular, duns 10 quilómetros, asequible e que se pode facer en menos de 3 horas. Caracterízase por pasar por un dos lugares máis máxicos da Terra Chá: Penas de Rodas e por un dos miradores coas vistas máis espectaculares desta extensión: A Cruz de Paraños (614 m. de altitude). Iniciarase o percorrido en Francos (a carón da casa de turismo rural Reboreda de Abaixo) para rematar no mesmo lugar sobre as 19:30 h.

CUSTO TOTAL DA ACTIVIDADE: Xantar + autobús= 25 €

A actividade está organizada pola “Asociación Terras de Lugo” da que formamos parte a Asociación Amigos do Patrimonio de Castro Verde.

Agardando a vosa presenza, recibide un cordial saúdo.

Manolo

Haberá autobús se se apuntan como mínimo 15 persoas.

—

Asociación Cultural Amigos do Patrimonio de Castroverde

e_mail: amigosdopatrimoniodecastroverde / amigospatrimoniodecastroverde