XXXV_Romaxe_de_crentes_galegos Archives - Asociación de Amigos do Patrimonio de Castroverde

Resume da XXXVI Romaxe de crentes galegos en Sta Uxía de Lobás

Amigos do Patrimonio de Castroverde — Sun, 15 Sep 2013 12:38:00 +0000

Amigos do Patrimonio de Castro Verde e Amigos da Milagrosa de Lugo

Este ano tivo lugar a Romaxe en Santa Uxía ou Ouxea de Lobás – O Carballiño- e, xa van alá 36 anos. Lugar fermoso, cunha carballeira e fonte únicas que son acolledoras, sendo de salientar a súa capela do século XII e o patrimonio da súa contorna.
O acto comenzou cunha primeira parte; O Lugar que nos acolle, acollida onde se cantaba o retrouso e lema desta Romaxe, “A esperanza corre présa”, con cantos de letras de Manuel María, Díaz Castro, Marica Campo ou Darío Xoán Cabana musicados polo grupo A Quenlla. Alusións, unha vez máis á explotación e esquilmación da Nosa Terra e agresións ao noso patrimonio. Una segunda parte; Mulleres de onte, mulleres de hoxe. Loitas de onte, loitas de hoxe. Nesta parte as protagonistas foron as mulleres; A Esperanza, María Castaña, María Balteira, María Soliña, Rosalía de Castro… continuando co acompañamento musical de A Quenlla e letras dos autores xa citados. A terceira parte; Memoria de Xesús, Memoria das discípulas. Nesta última parte seguen as mulleres a ser as protagonistas, Magdalena ou Madalena, Marta e María. Madalena é a que toma o pan e o viño para facer a bendición dos mesmos.
A cuarta parte; O berro seco. Acto de desafogo e desagravio da Nosa Terra.
A quinta parte; Entrega do ramo, para anunciarnos que o vindeiro ano a Romaxe será nas Virtudes no concello de Frades
A sexta parte; Despedida co Himno Galego.
Logo de Xantar, pola media tarde; acto de oración do solpor, na fermosa igrexa de Vera Cruz do Carballiño. Acto sinxelo, fraternal e moi acolledor.
Comentar que a igrexa do Carballiño foi levantada a mediados do século XX, 1955, e rematada arredor de 1975. A torre mide 52 metros e ten ao pé de duascentas escaleiras.

Saúde, Terra e Lingua
Manolo Muñiz

VER A REPORTAXE FOTOGRÁFICO:
https://picasaweb.google.com/amigosdopatrimoniodecastroverd/XXXVIROMAXEDECRENTESGALEGOSStaUxiaDeLobas?authuser=0&feat=directlink

XXXVI ROMAXE

Amigos do Patrimonio de Castroverde — Mon, 02 Sep 2013 17:52:00 +0000

DIA 14 DE SETEMBRO.

XXXI ROMAXE. Cita en Santa Uxía de Lobás, no concello do Carballiño.

Ás 9:00 h. En Castroverde

Ás 9:30 h. Ronda da Muralla, no edificio de sindicatos, en Lugo para estarmos na zona do Carballiño arredor das 11:00 h.

Os que desexen participar, deben comunicalo antes do día 10 de setembro

PRÓXIMAS ACTIVIDADES:

Amigos do Patrimonio de Castroverde — Tue, 30 Jul 2013 13:25:00 +0000

DIA 17 DE AGOSTO, sábado

Ás 17:30 h. Saída de Castro Verde. (Haberá autobús, sempre que haxa máis de 12 persoas)

18.00h. Visita ao MIHL (MUSEO INTERACTIVO DA HISTORIA DE LUGO

EXPOSICIÓNS:

– Simon Norfolk. Genocidio, Paisaje, Memoria.

– Unha performance de Paco Pestanaexponse no Museo Interactivo da Historia de Lugo o ciclo «MIHL Proxectos. Crear espazos».

«Estado de sitio, estado de excepción», e alude ao perigoso do ser humano como especie, «unha praga para o mundo», só redimida «polos seres exquisitos» que fixeron as grandes achegas artísticas. A súa obra foi apropiada para esa «toupeira, marzmorra mística, torre de marfil» que é o MIHL. Hai un púlpito cunha bandeira pirata, animais disecados da veteranísima colección do instituto Lucus Augusti e un manequín con forma de muller, ademais do artista, claro.

Despois da exposición percorrido pola beira do Miño ata a Ponte, para vermos como quedou a Ponge Romana.

A seguir, comeremos uns pinchos nun Mesón de Lugo. Hai que anotarse antes do 15 de agosto.

DIA 18 DE AGOSTO, domingo.

VIII FEIRA ARTESÁ

A partir das 10:00 h. estaremos coa exposición nos pendellos da feira coma todos os anos.

Xantaremos todos xuntos nunha mesa da Veiga do Olmo coma cando foi da Romaxe.

Cadaquén que traia a súa comida e, o que teña unha mesa e cadeiras tamén a pode traer. Comunicalo, por motivos de organización, antes do día 15 de agosto.

DIA 7 DE SETEMBRO

Inauguración do PROXECTO DE RECUPERACIÓN E POSTA EN VALOR DE ELEMENTOS PATRIMONIAIS, AMBIENTAIS, PAISAXÍSTICOS E ETNOGRÁFICOS DAS PARROQUIAS DE SAN CIBRAO DE MONTECUBEIRO, SANTA Mª MADANELA DE PENA, SAN PEDRO DE SERÉS, SANTIAGO DE A MEDA E STO. ANDRÉ DE BARREDO. CASTROVERDE (LUGO). (HABERÁ MÁIS INFORMACIÓN CANDO SE APROXIME A DATA)

Máis información a finais de agosto.

DIA 14 DE SETEMBRO.

XXXI ROMAXE. Cita en Santa Uxía de Lobás, no concello do Carballiño.

Brevísimo resume XXXV Romaxe

Amigos do Patrimonio de Castroverde — Tue, 11 Sep 2012 00:27:00 +0000

Esta XXXV Romaxe que levaba por lema, “Seguimos facendo camiño”, tivo lugar na Veiga do Olmo no noso Castro Verde.

O acto consistiu na acollida das persoas que ían chegando das diferentes partes de Galicia co acompañamento musical de Zuncurrundullo.

Os momentos máis importantes do acto consistiron en:

1.- Referencias a Castro Verde, especialmente ao Camiño, Persoeiros e Lugares do noso Castro.

2.- O Camiñante Xesús que nos acompaña e alimenta.

3.- A lenda do reino do Amor.

4.- O Berro Seco.

5.- Entrega do Ramo. A vindeira romaxe será na Magdalena, en Ourense.

6.- Despedida co Himno Galego.

Comentar que en xeral foi un acto moi reivindicativo, cargado con referencias ao Amor, Sinceridade, Fraternidade… Acompañado polas interpretacións do Grupo A Quenlla.

Todo coordinado ou dirixido por Xabier Blanco a que agradecemos desde aquí o seu esforzo.

Logo pola tarde actuación de Penabade, A Quenlla e Zuncurrundullo.

Para rematar a oración da tarde que ía ser ao pé da Torre da Fortaleza, tivo lugar no mesmo lugar da Veiga do Olmo. Acto dirixido por Valentín e Marisé da Milagrosa de Lugo.

Agradecer o traballo de todos/as os que particparon no acto e salientar a presenza de representantes do Concello e da Deputción Provincial.

Saúde, Terra e Lingua

Para ver álbume:
https://picasaweb.google.com/amigosdopatrimoniodecastroverd/XXXVROMAXEIRIMIEGOCastroverdeSetembro2012?authuser=0&feat=directlink

XXXV ROMAXE DE CRENTES GALEGOS : MAPAS PARA ACHEGARSE A CASTROVERDE

Amigos do Patrimonio de Castroverde — Sun, 02 Sep 2012 08:51:00 +0000

Convite a XXXV Romaxe de Crentes Galegos

Amigos do Patrimonio de Castroverde — Fri, 24 Aug 2012 17:39:00 +0000

Amigos do Patrimonio de Castroverde — Thu, 16 Aug 2012 12:47:00 +0000