Medio_ambiente Archives - Asociación de Amigos do Patrimonio de Castroverde

Actividades que acollerá o Centro de Interpretación Terras do Miño durante os tres primeiros meses deste ano

Amigos do Patrimonio de Castroverde — Sun, 26 Jan 2014 11:39:00 +0000

Estimados amig@s:

Informámoslles que onte día 22 de xaneiro, a Deputada de Medio Ambiente e Enerxías Renovables, Sonsoles López Izquierdo, anunciou as actividades que acollerá o Centro de Interpretación Terras do Miño durante os tres primeiros meses deste ano. Trátase dunha programación gratuíta e aberta á participación de persoas de todas as idades, co fin de que coñezan a riqueza da biodiversidade da provincia e as oportunidades que esta pode ofrecer a todos os lucenses.

Podemos destacar que esta programación dá continuidade á liña iniciada en anteriores convocatorias, nas que actividades como as saídas ó campo espertaron un grande interese entre o público, logrando acadar a participación de máis de 1.700 persoas durante o pasado ano, ás que hai que sumar as preto de 400 que se achegaron a coñecer as instalacións do Centro de Interpretación. A Deputada salientou que a intención é continuar traballando “nesta mesma liña, facendo de Terras do Miño un centro de referencia en educación e concienciación ambiental, difundindo os valores medio ambientais da provincia dun xeito divertido e para todos os públicos”.

O calendario das actividades programadas é o seguinte:

Conferencias:

– O día 30 de xaneiro, ás 19:30 horas, no Centro de Interpretación Terras do Miño, terá lugar a conferencia “Fungos medicinais: usos ancestrais e novas perspectivas” a cargo do Presidente da Sociedade Micolóxica Lucus, Julián Alonso.
– O 20 de febreiro, ás 19:30 horas, no Centro de Interpretación Terras do Miño, “Experiencias de participación social na xestión territorial”, a cargo de Antonio Ventura Figueroa.
– O 20 de marzo, ás 19:30 horas, no Centro de Interpretación Terras do Miño, Andrea Macho Benito falará acerca do “Plan de Acción da Reserva da Biosfera Terras do Miño”.

Actividades para adultos:

– O 8 de febreiro desenvolverase unha xornada fabricación de niños, a partir de simples caixas, en horario de 10:00 a 14:00 horas no Centro de interpretación Terras do Miño. O 7 de marzo, ás 19:00 horas, no Centro de Interpretación Terras do Miño celebrarase “Conservación dos valores naturais e paisaxísticos na Reserva da Biosfera Terras do Miño, mediante a promoción dos sistemas alimentarios locais”.
– O 8 de marzo, de 11:00 a 14:00 horas, no Centro de Interpretación Terras do Miño, desenvolverase o “Curso introdutorio de agricultura ecolóxica nas labores invernais”.

Actividades para familias:

– O 22 de febreiro desenvolverase unha ruta de integración na flora e na fauna do Paseo do Río Rato, e o 22 de marzo celebrarase outra ruta esta vez no entorno lucense da Reserva da Biosfera.

Todas as actividades son gratuítas, malia que as prazas son limitadas por cuestións de aforo, polo que para participar será necesario inscribirse previamente.

Máis información e inscricións na web www.deputacionlugo.org ou no teléfono 982-22-78-12.

Desexando que esta información sexa do seu interese, reciba un cordial saúdo.

Servizo de Medio Ambiente e Enerxías Renovables.

Deputación de Lugo.

Selección de 12 monitores-guías para a RESERVA DA BIOSFERA DE TERRAS DO MIÑO

Amigos do Patrimonio de Castroverde — Tue, 24 Apr 2012 19:31:00 +0000

Foto: Terras do Miño

Remitímoslle información relativa á selección de 12 monitores-guías para a RESERVA DA BIOSFERA DE TERRAS DO MIÑO, para o cal abriuse o prazo onte, 23 de abril de 2012, ata o vindeiro domingo 29 de abril.

Pregámoslle disculpe que non puidésemos realizar o envío da información con anterioridad, dado que seguro é do seu interese, polo que lamentamos o retraso.

O contido dos programas estará estruturado en dúas fases: unha teórica e outra práctica.

A FASE DE FORMACIÓN gratuíta, que terá unha duración de 145 horas. Constará dunha programación teórica xeral medioambiental. Os obxectivos xerais da parte teórica son favorecer a conciencia ambiental dos habitantes e visitantes, aproveitar o valor dos recursos naturais para o desenvolvemento autónomo, fomentar o turismo sostible, favorecer a difusión de patrimonio cultural, natural e etnográfico e mellorar a oferta de servizos dirixidos ó turismo especializado.

A FASE PRÁCTICA terá unha duración de catro meses, na cal os participantes pasarán a ser bolseiros en prácticas das empresas formativas, durante a que recibirán unha remuneración neta de 700 euros mensuais, non habendo dietas. Levarase a cabo en organismos representativos dos territorios da RESERVA DA BIOSFERA DE TERRAS DO MIÑO, e valorarase a dispoñibilidade de vehículo propio. Nesta parte os alumnos desenvolverán as súas destrezas coma monitores-guías especializados no medioambiente e o turismo ambiental. Ademais, toda a información relevante que recompilen será incorporada ó SISTEMA DE INFORMACIN XEOGRFICA www.delugo.org [1].
Deste xeito, desenvolverán unha formación final que capacite a cada un dos bolseiros para o seu traballo en calquera das dúas RESERVAS DA BIOSFERA.

Establécense como criterios de admisión:

Ter un perfil académico compatible coas funcións de guía medioambiental (como mínimo, certificado de escolaridade).

Currículum Vitae acreditado . Valorarase tendo en conta a adecuación do currículo ó desenvolvemento das tarefas a desempeñar dentro deste espazo natural.

Entrevista acreditativa de actitudes e aptitudes para o desempeño da bolsa . A entrevista terá como finalidade apreciar o grao de madurez e dominio dos coñecementos e formación acreditada no currículo, en relación coas prácticas a realizar. Versará sobre o grao de formación xeral e técnica, na que se valorará principalmente a aptitude e actitude para as prácticas convocadas. Ademáis, na
entrevista podesare ampliar a información sobre o currículo e os méritos.

Os aspirantes seleccionados serán contratados pola empresa formativa en calidade de bolseiros en prácticas. O tempo formativo non será remunerado e durante o período de 4 meses de práctica obterán unha bolsa neta de 700 euros ó mes por bolseiro.

A selección do persoal levarase a cabo pola empresa adxudicatarias da contratación do servizo de capacitación de monitores-guías da RESERVADA BIOSFERA DE TERRAS DO MIÑO (DIOPTRA S.L.). Cada interesado poderá optar soamente ó proceso de selección dunha das Reservas.

O prazo de presentación de solicitudes COMEZA O LUNS 23 DE ABRIL E REMATA O DOMINGO 29 DE ABRIL (INCLUDOS). O modelo de solicitude está colgado na páxina web da Deputación www.deputacionlugo.org [2]. Os interesados deberán cubrilo e adxuntar a documentación relativa ó currículo e ós méritos; despois terán que premer o botón “enviar”, que xa realiza o envío directo da solicitude á dirección de correo electrónico terrasdomino@deputacionlugo.org [3] ou ancareslucenses@deputacionlugo.org [4] en función da Reserva na que desexen desenvolver estas accións formativas e prácticas. O solicitante recibirá confirmación da recepción da solicitude no seu correo electrónico.

Para acadar máis información pode chamar ós teléfonos 982 26 00 46 – 982 26 01 47 ou escribir ó correo electrónico terrasdomino@deputacionlugo.org [5].

Reciba un cordial saúdo,

Reserva da Biosfera Terras do Miño
Deputación de Lugo

Links:
——
[1] http://www.delugo.org/
[2] http://www.deputacionlugo.org/
[3] mailto:terrasdomino@deputacionlugo.org
[4] mailto:ancareslucenses@deputacionlugo.org
[5] mailto:terrasdomino@deputacionlugo.org

Xornada Formativa do Sector Agrogandeiro

Amigos do Patrimonio de Castroverde — Sat, 04 Feb 2012 20:24:00 +0000

COMUNICADO DE ADEGA

Amigos do Patrimonio de Castroverde — Sun, 18 Sep 2011 19:10:00 +0000

Instrucións ocultas da Xunta para permitir actividades agresivas en hábitats protexidos

16 de setembro de 2011. ADEGA vén de denunciar a existencia de determinadas “instrucións técnicas” no servizo de Conservación da Natureza da Coruña con criterios e procedementos para autorizar actividades que comprometen a conservación de hábitats e especies protexidas. Rozas de matogueiras, talas de bosques de ribeira, avaliación de parques eólicos ou actividades deportivas sobre hábitats prioritarios despáchanse mediante estas instrucións, moitas veces con criterios contrarios á conservación, mesmo aos recolidos no Plano de Director da Rede Natura 2000. Ademáis, as “instrucións” non figuran publicadas en ningún boletín oficial, carecendo portanto de validez legal. Aplicando estas normas “alegais” a Xunta está a autorizar talas de bosque de ribeira, rozas e queimas de breixais protexidos, circulación de quads e todoterreos sobre dunas e turbeiras, sendo ademáis a excusa perfecta para eludir a tramitación ambiental de ducias de parques eólicos.

Cada instrución técnica da Xunta, nun pulcro español, establece criterios de avaliación e de xestión que serían máis acaídos dun Regulamento ou Orde, pero non dunha instrución. Modificar através deste instrumento o alcance dunha Directiva (de Hábitats, de Aves…), Lei (de Conservación da Natureza, da Biodiversidade) ou Decreto (de especies ameazadas, por exemplo) é unha acción fraudulenta que podrería beirar a prevaricación. Atendendo ao artigo 21 da Lei 30/1992 do 26 de novembro de Réxime Xurídico das Administracións Públicas e do Procedemento Administrativo Común, estas as instrucións deberían estar cando menos publicadas nun boletín oficial. En consecuencia, todas elas carecen de validez legal. Quen as aplique podería estar cometendo unha ilegalidade, sendo igualmente ilegais e nulas todas as autorizacións e intervencións realizadas baseándose nestas instrucións.

O realmente preocupante é que maioría dos criterios establecidos nestas “instrucións” son contrarios ás normas básicas de conservación, de xestión de hábitats e especies e de avaliación impacto ambiental, e mesmo os establecidos no Plano Director da Rede Natura 2000 recentemente aprobado pola Xunta. Están deseñadas para eludir a “afección significativa” de determinadas actividades sobre o patrimonio natrural; sexan talas en bosques de ribeira (1.16 Mb) (centos de cortas autorizadas nos ríos da Coruña), rozas de matogueiras, probas deportivas, e competicións sobre hábitats protexidos, alén de parques eólicos.

Precisamente, no tocante aos parques eólicos (312 Kb) os criterios formulados na instrución en ningún momento aseguran o mantemento dos hábitats, das especies ou da paisaxe. Estan formulados para eludir a necesidade de realizar estudos de impacto e permitir a construción de parques en calquera parte, mesmo na Rede Natura ou nun Parque Natural ou Nacional. .

A instrución sobre as matogueiras (285 Kb) semella destinada a eludir a protección que estes tipos de hábitats (moitos deles prioritarios) teñen na Directiva 92/43 CEE. Mesmo pódense autorizar desbroces sobre hábitats con presenza de flora vulnerábel ou en perigo de extinción como os endemismos Santolina melidensis, Armeria merinoi, Iris boissieri, Eryngium viviparum ou Leucanthemum gallaecicum. Trátase de dar prioridade á explotación destes recursos fronte á súa conservación. A consecuencia: unha importante perda de superficie destes hábitats en moitos LICs da Coruña, como a Serra do Careón, O Forgoselo, a Costa Artabra ou a Costa da Morte.

E a instrución referida ao uso público (221 Kb) quizáis a máis sangrante, nin siquera avalía a capacidade de carga das áreas afectadas. Establece unha serie de criterios arbitrarios que non garanten un estado de conservación favorábel dos compoñentes da biodiversidade. Moi ao contrario: da súa aplicación pódense desprender afeccións moi significativas. Por exemplo, hai excepcións que permiten actividades con veículos a motor fóra das pistas (4×4, “quads”) dentro de hábitats protexidos “sempre que non afecten á canle do río”. No entanto, é posíbel autorizar estas prácticas sobre humidais (turbeiras, xunqueiras) ou dunas que non estén dentro da Rede Galega de Espazos Protexidos.

ADEGA descoñece se estas “instrucións” estanse a aplicar tamén fóra da Coruña. En todo caso, os responsábeis de conservación da Xunta deberían clarexar os seguintes estremos: Cantas “instrucións técnicas” destas hai, sobre que aspectos e en que provincias? Quen é o autor/es, con que autoridade actuaron e que organismos científicos foron consultados? Foron autorizadas polos responsábeis da Dirección Xeral de Conservación da Natureza? Comunicouse á Unión Europea que se están a aplicar?. Por que non se recolleron no Plano Director da Rede Natura? Os redactores deste Plano Director coñecían estas instrucións?.

ADEGA esixe á Dirección Xeral de Conservación que de entrada, anule a aplicación destas “instrucións técnicas” e incoe os oportunos expedientes para depurar responsabilidades. Non é de recibo que a Xunta, con actuacións coma esta, estese a convertir no principal axente de degradación do noso patrimonio natural.

FEIREANDO, II Xornada de convivencia arredor da Ruta das Feiras. 1 de Outubro no CPI de Castroverde

Amigos do Patrimonio de Castroverde — Sat, 10 Sep 2011 19:26:00 +0000

PROGRAMA DA XORNADA

AGRANDAR

CONGRESO: “AS RESERVAS DE BIOSFERA COMO ESTRATEXIA TERRITORIAL DE SOSTIBILIDADE”

Amigos do Patrimonio de Castroverde — Fri, 27 May 2011 17:46:00 +0000

CONGRESO: “AS RESERVAS DE BIOSFERA COMO ESTRATEXIA TERRITORIAL DE SOSTIBILIDADE”

A Reserva da Biosfera é un instrumento internacional promovido pola Organización das Nacións Unidas para a Educación, a Ciencia e a cultura (UNESCO) de recoñecemento de hábitats ou ecosistemas representantivos e de importancia, que ten por obxectivo a conservación da biodiversidade e servir de modelo sostible.

DATA:

3 E 4 DE XUÑO DE 2011

LUGAR:

SALÓN DE ACTOS DA FACULTADE DE HUMANIDADES. CAMPUS DE LUGO

MÁIS INFORMACIÓN

DESCUBRE GALICIA

Amigos do Patrimonio de Castroverde — Thu, 26 May 2011 16:23:00 +0000

GALICIA 360º

Puxa AQUÍ par acceder á aplicación

XORNADA SOBRE O MONTE

Amigos do Patrimonio de Castroverde — Fri, 20 May 2011 17:48:00 +0000

CURSO DE INXERTA DE FRUTAIS

Amigos do Patrimonio de Castroverde — Fri, 20 May 2011 17:45:00 +0000

CURSO DE COMPOSTAXE

Amigos do Patrimonio de Castroverde — Fri, 20 May 2011 17:41:00 +0000