Breve resumo do roteiro que no día de hoxe levou a cabo a nosa asociación en lembranza do noso defunto socio Manolo Pérez, da Casa Herdeiro de Vilaxurxo (Barredo, Santo André – Castro Verde).

Partindo do lugar de Córneas (parroquia de A Meda) fomos camiñando ata o Lugar do Cruceiro, onde hai unha cruz en alusión a Alonso Morán con data de 1766, que a seu carón acháse unha morea de plásticos, ademais dunha nova agresión (e xa van catro) ao panel explicativo do monumento anteriormente citado.

Continuamos polo chamado Camiño Francés (segundo cita o Marqués de Ensenada en 1753) onde puidemos contemplar na distancia a aldea de Vilafrío circundada polas súas extensas terras de cultivo que abastecen a súa importante produción láctea. Proseguindo o roteiro vimos o cumio de Pena Branca e fomos baixando a carón do rego de Racamonde (ou tamén coñecido como da Pallota, ou de Romeán) cara a Vilaxurxo, onde visitamos o muíño de Sal e detivémonos diante da casa do finado Manolo Pérez. Fronte á mesma, e na súa lembranza, deuse lectura ós seguintes poemas:

– "A amizade non ten prezo, mais ten valores" e "Quero ser o teu amigo" (os dous de Fernando Pessoa)

– "Amizade" e "O importante da amizade" (anónimos).

A seguir cantamos o Himno Galego e Pablo Castedo, o noso gaiteiro, interpretou “Camariñas”

Para rematar a andaina visitouse logo o lugar de Vilar dos Naraos e retornouse a Barredo (Santo André).

Agradecemos a súa publicación e difusión, con referencia gráfica das fotos que achegamos.

Saúde, Terra, Lingua e Patrimonio.

Manolo

Lembrando a Manolo Pérez

Sábado, día 16 de xuño de 2018

9:30 h. Barredo. Onde deixaremos os coches.

10:00 h. Comenzo do roteiro en Córneas.

Pasando por: O Cruceiro, montes da Pedra Chantada, Espiñeia, Agro Vello con vistas sobre Vilafrío e Pena Branca para pasarmos por Vilaxurxo,onde faremos unha pequena parada, dando lectura a poemas en lembranza do amigo, Manolo Pérez, para ascender a Pena Branca e rematar en Barredo.

14:00 h. Xantar na escola de Barredo.

Levaremos o xantar ou encargarémolo.

Comunicar participación antes do día 10 de xuño

Percorrido aproximado duns 7 quilómetros. Dificultade baixa, a excepción da subida a Pena Branca.

Aproveitamos para comunicar que, o domingo, día 17 de xuño, celebrarase o cabodano de Manolo Pérez, ás 16:30 h. na igrexa de Barredo, para o que non poida vir ao roteiro, que poida participar o domingo.

Saúdos

Manolo

Lugo-Castro Verde, a comenzos de xuño

ROTEIRO XUÑO_LEMBRANDO A MANOLO PÉREZ.docx

Roteiro xuño 2018 – Homenaxe a Manolo Pérez.pdf

Nesta fin de semana, poucomáis de medía ducia de socios/as e simpatizantes participamos no CURSO DE DESEÑO DE VISITAS GUIADAS INTERPRETATIVAS EN CASTROVERDE.

Curso que foi impartido polasprofesionais Isabel e Toñi de “”O hidria (ciencia, ambiente e desenvolvemento) Entorno Anfibio”.

Desenvolvéndosedevandito cuso desde o venrespola tarde ata o mdedio día do domingo (1,2 e 3 de xuño) cuna duración dunhas 20 horas.

Abranguendo o desenvolvemento de varias técnicas para poñer en práctica o domingo polamañá, facendo de guías na Torre da Fortaleza, Praza do Rolo, Pendellos da Feira, quedando reflexado na visita que “Castroverde é o espello da súaxente”

Para continuar coa visita á parroquia de Bolaño que foi o retrovisor do que foi e significou ese lugar, con visitas á ponte, quiosco da música, lagas de enlagar o liño e forno do cal.

Saúde, Terra, Lingua e Patrimonio.

Manolo

O sábado, 26 de maio, tivo lugar o XI Encontro de Asociacións culturais, Arumes de O Corgo, Arcas de Sarria, A Canteira de Neda, Amigos do Patrimonio e os anfitrións, a Agrupación Instrutiva de Caamouco –Ares.

Arredor de as 9,00 horas chegamos a Ares onde nos agardaban os anfitrións.

Embarque no peirao de Ares, para o paseo pola Ría de Ares. Con explicacións exhaustivas do expresidente da Agrupación, Ernesto López Naveiras, a quen agradecemos desde aquí as súas explicacións. Desembarco no peirao de Ares, comezo do Roteiro por Ares, con visita á zona vella, antiga casa Consistorial, visita á Agrupación “Alianza Aresana” fundada en 1904,na cidade da Habana (Cuba), polos emigrantes deste pobo.

Visita á Igrexa de orixe románica de Lubre. Saída de Lubre cara a Ares, pasando pola praia do Raso, visitando Redes para xantar no Club de Tenis.

Pola tarde.-

Actividade musical na Agrupación Instrutiva de Caamouco coa actuación, de Os dous de sempre e as pandereteiras de Redes. Con interpretación de pezas tradicionais moi interesantes, de valses, pasodobres, etc.

Intercambio de agasallos e anuncio de que o XII Encontro, será o vindeiro ano en Sarria.

Rematando coa interpretación do Himno Galego e como colofón, foto de grupo e proba da queimada e torta rechea da zona.

Parabéns pola organización e moitas grazas aos anfitrións organizadores.

Participaron no XI Encontro arredor de 180 perosas.

Saúde, Terra, Lingua e Patrimonio.

Manolo

Remitimos nos arquivos adxuntos información sobre o seminario Patrimonio Cultural do Courel que se desenvolverá na Estación Científica do Courel os días 8, 9 e 10 de xuño.

O prazo de inscrición remata o mércores día 6 de xuño.

Agradecemos a súa difusión.

Un saúdo.

Antonio Rigueiro Rodríguez

Director da Estación Científica do Courel

Dossier-Prensa-08-05-2018.docx

Cartel-SPCC-hq.pdf

DO CEIP SAL LENCE DE A CORUÑA A CASTRO VERDE

O pasado sábado día 12 de maio visitou o noso concello unha representación do claustro de profesores do CEIP Sal Lence de A Coruña. O motivo principal da súa visita foi ver á casa natal do fundador da súa institución, o oftalmólogo Gerónimo Sal Lence, orixinario de A Penalonga (Recesende).

A visita comenzou cunha pequena andaina desde a igrexa de Vilar de Cas, pasando polas Cambas ata Soutomerille.

A seguir, pequena parada na casa de Sal Lence onde nos agardaban as súas sobriñas-netas, Amalia e Rita, ás que logo se sumou Consuelo, tamén da familia. Con moita amabilidade foron amosando o lugar, os recunchos, as lembranzas alí albergadas, a memoria viva do grande benfeitor da institución que o honra e que busca restituír a súa figura, vencellada erroneamente ao franquismo. Foi unha visita emotiva na que se fixo patente a bondade que atravesa esta linaxe.

Antes de ir xantar, houbo ocasión para visitar a igrexa de Vilabade, sempre magnífica e sempre inesperada para o visitante que a descoñece, así como a capela do Carme e a súa contorna. Quedando tempo para amosarlles a aldea de Bolaño, con parada na ponte, quiosco da música e pequeno paseo ata o forno do cal.

Pola tarde, visita á torre, testemuña firme da Historia de Castro Verde.

Para rematar, visitando aos singulares sartegos de Recesende.

Saúde, Terra, Lingua e Patrimonio

Ficha de inscripción.doc

7:15 h. Saída de Castro Verde

7:30 h. Ronda muralla (Casa sindical)

7:40 h. Avda. Coruña

9:00 h. Redes

Redes, 30-4-2018

XI Encontro de Asociacións, día 26 de maio.

Agora vou a explicar como o temos pensado.

Temos un viaxe pola Ría de Ares en lancha, coa mesma lancha que utilizamos no Encontro de fai uns anos, despois un Roteiro de Ares a Redes. Xantamos en Redes despois temos unas actividades na Agrupación e sobre as 19,00 hora remata.

O horario a cumprir e este:

9,00 horas.- Chegada a Ares dos autobuses, agardan membros da Directiva para levar a xente a o punto de saída.

9,45 horas.- Embarque no peirao de Ares, para o paseo pola Ría de Ares

11,00 horas.- Desembarco no peirao de Ares, comeza o Roteiro por Ares.

11,30 horas.- Chegada a Igrexa de Lubre, visita e breve merenda.

12,00 horas.- Saída de Lubre cara a Ares.

14,30 horas.- Xantar no Club de Tenis.

17,00 horas.- Actividades na Agrupación Instrutiva

19,00 horas.- Remate do Roteiro

Comentarios:

Recorrido duns seis kilometros sen dificultade, por camiños sen tráfico e praia, si a marea o permite, cada vez que se pase por un edificio interesante ou lugar significado se fará una pequena parada e una persoa experta explicará o mais relevante do lugar. O camiño vai pola beira do mar con fermosas vistas da Ría.

En todo momento estarán pendentes dos participantes Protección Civil do Concello e a Directiva da Agrupación.

Dúas horas e o tempo estimado do Roteiro dende o desembarco no peirao ata o Club de Tenis.

Asuntos económicos:

Importe por persoa: Xantar 22€ + Viaxe pola Ría 5 € Total = 27 €

As previsións do tempo para esas datas son boas, entón coido que todo será favorable.

Xa se enviaron os carteis,

O día 15 remata o tempo para apuntarse.

Estaremos en contacto e si tedes algunha cousa que comentar adiante, agardo os comentarios. Unha aperta. Ernesto.

PREZO TOTAL

Importe por persoa:

Xantar 22€ + Viaxe pola Ría 5 € + autobús 13 € Total = 40 €

ACLARACIÓNS XI ENCONTRO DE ASOCIACIÓNS.docx